2023 çулхи ака уйăхĕн 18-мĕшĕнче Хырай Ĕнел ялĕн Культура çуртĕнче Раççей Федерацийĕн Вĕрентекен  тата вĕрентӱçĕ çулталăкне , Чăваш Республикин  Телейлĕ ачалăх çулталăкне халалланă  республика шайĕнче «Туркай вулавĕсем»  пиллĕкмĕш фестиваль иртрĕ.

Пултарулăх  ăмăртăвне Комсомольски, Елчĕк, Йĕпреç  муниципалитет округĕсен   вĕренекенĕсем, вĕрентекенĕсем,  Валери Туркай сăввисене кăмăллакансем хутшăнчĕç.

 Поэзи фестивальне хутшăнакансем  Валери Туркай сăввисене илемлĕ каласа ăсталăхпа пуларулăха кăтартма пултарчĕç.  Комсомольски 2-мĕш вăтам шкулта  7 к класра пĕлӱ  пухакан  Дарья Арсентьева  1-мĕш вырăна (ертӱçи Арсентьева В.Н.), Виктория Хораськинăпа (8к класс) Екатерина Петрова  (9а класс) 2-мĕш вырăна (ертӱçисем Индюкова С.Г., Абрамова Л.П.)  тивĕçрĕç.

Ҫĕнтерӱçĕсене саламласа малашне те  ăнăçу сунатпăр.