2013 çулхи ака уйăхĕн 19-мĕшĕнче Шупашкарта наци культурин «Туслăх хĕлхемĕ» фестивалĕн республика тапхăрĕ пулса иртрĕ.

Район шайĕнчи çĕнтерÿçĕсем çак кун Вĕренÿ институтне пухăнчĕç. Пирĕн районтан унта виçĕ вĕренекен хутшăнчĕ. Вырăс шкулĕнче вĕренекен ачасем «Çăлтарчăк» вăйă-конкурсра тупăшрĕç. Комсомольскинчи пĕтĕмĕшле пĕлÿ паракан 2-мĕш шкулта 9 класра вĕренекен Ольга Ефремова «Чĕлхе — халăх мулĕ», «Илемлĕх тĕнчи», «И.Я.Яковлев — чăваш халăхне çутта кăлараканĕ», «Тупмалли юмахсемпе ваттисен сăмахĕсем», «Пирĕн пултарулăх» станцисенче пулса пултарулăхпа палăрчĕ. 22 ача хушшинче 6-мĕш вырăн йышăнма пултарчĕ.

9 класра вĕренекен Татьяна Шакмакова «Шевле - 2013» номинацире, Çеçпĕл Мишши поэзине халалланă ÿнер ăсталăхĕн конкурсĕнче, 3-мĕш вырăн çĕнсе илме пултарчĕ. Маттур, Таня! Пур кăмăлтан саламлатпăр сана.

Ольгăпа Татьянăна саламласа малашне те ăнăçу сунатпăр.