2013 çулхи ака уйăхĕн 6-мĕшĕнче Комсомольскинчи пĕтĕмĕшле пĕлÿ паракан 1-мĕш вăтам шкулта наци культурин «Туслăх хĕлхемĕ» фестивалĕ иртрĕ.

Вырăс шкулĕнче вĕренекен ачасем «Çăлтарчăк» вăйăконкурса хутшăнчĕç. Комсомольскинчи пĕтĕмĕшле пĕлÿ паракан 2-мĕш шкулта 9класра вĕренекен Ольга Ефремова «Чĕлхе— халăх мулĕ», «Илемлĕх тĕнчи», «И.Я.Яковлев — чăваш халăхне çутта кăлараканĕ», «Тупмалли юмахсемпе ваттисен сăмахĕсем», «Пирĕн пултарулăх» станцисенче пулса хăйне пур енчен те лайăх кăтартса 1-мĕш вырăна çĕнсе илчĕ.

9 класра вĕренекен Татьяна Шакмакова «Шевле - 2013», Çеçпĕл Мишши поэзине халалланă ÿнер ăсталăхĕн конкурсĕн çĕнтерÿçи пулса тăчĕ.

Ольгăпа Татьянăна çĕнтерÿпе саламласа вăйăконкурсăн республика тапхăрĕнче ăнăçу сунатпăр.