2012 – 2013 вĕренÿ çулĕнчи олимпиадăсем вĕçленчĕç. Тĕрĕслевĕн юлашки тапхăрĕ чăваш чĕлхипе тата литературипе пулчĕ. Регион шайĕнчи юлашки олимпиада И.Я.Яковлев ячĕллĕ педагогика университетĕнче иртрĕ. Пирĕн шкултан ку ăмăртăва район шайĕнче мала тухнă Анастасия Шингалова (10б класс) тата Кристина Кашина (11а класс) хутшăнчĕç. Хĕрÿ тупăшура Настя Шингалова çĕнтерÿçĕсен шутне кĕме пултарчĕ, призер пулса тăчĕ. Настьăна ăшшăн саламласа малашне те ăнăçу, ырлăх-сывлăх сунатпăр. Маттур, Настя!